(မောရစ်ကောလစ် နေထိုင်ခဲ့သည့်အိမ် အရှေ့ဘက်။ ဓါတ်ပုံ - မိုးအောင်/DMG)

ရေးသားသူ - မိုးအောင်

 

ဇွန်လ ၈ ရက်၊ ၂၀၁၇ ခုနှစ်၊ စစ်တွေ (DMG) ။    ။  ကိုလိုနီခေတ်ရဲ့ အစောဆုံးမြိုပြထဲမှာပါဝင်တဲ့ စစ်တွေမြို့တော်မှာ ဗြိတလျှခေတ်လက်ရာတွေဟာ မြို့တော်ရဲ့ထည်ဝါနေတဲ့ အဆောက်အဦးတွေကြားထဲမှာ မေးမှိန်လို့နေပါတယ်။ အဆောက်အဦးတချို့ကို မှုလလက်ရာအတိုင်း မတွေ့မြင်ရတော့ပါ။ မြို့တော်ရဲ့ တောင်ဘက်မှာရှိတဲ့ ၁၈၂၇ လို့ တည်ဆောက်ခဲ့တဲ့ ခုနစ်ကို တံဆိပ်ကပ်ထားတဲ့ အကျဉ်းထောင်ဟောင်းတစ်ခုရှိပါတယ်။ အကျဉ်းထောင်ရဲ့ ညာဘက်လမ်းကွေ့ကနေ မိနစ် ၂၀ လောက် ခြေကျင်သွားရင် ကုန်းမြင့်ကြီးတစ်ခုဖြစ်နေတာကို တွေ့ရပါတယ်။ အဲဒီကုန်းမြင့်ဟာ စံပြရွာရပ်ကွက် ပြည်တော်သာအထဲမှာပဲ တည်ရှိတာဖြစ်ပါတယ်။ ကုန်းမြင့်ပေါ်မှာတော့ ခြောက်ဧကလောက်ကျယ်ဝန်းပြီး အရှေ့ဘက်အရပ်ကို မျက်နှာမှုပြီးဆောက်ထားတဲ့ သစ်သားအိမ်ကြီးတစ် ဆောင်ကိုတွေ့ရပါတယ်။ အိမ်ကြီးရဲ့ နောက်ဘက်မှာ ရှေးခေတ်လက်ရာတစ်ခုဖြစ်တဲ့ ကြောင်လိမ်လှေကား တစ်ခုကိုလည်း ဖြိုဖျက်ထားတာကို လမ်းပေါ်ကနေ တွေ့မြင်ရပါတယ်။ ခြံဝင်းထဲမှာတော့ ဘယ်သူကိုမှ တွေ့မြင်ခြင်းမရှိရသလို အိမ်ကြီးကိုသွားတဲ့ ခြံရဲ့နောက်ဘက် ဝင်ပေါက်လမ်းမှာတော့ မကြာသေးခင်က ဆောက်လုပ်ထားတဲ့ အဆောက်အဦးငယ်တစ်ခုရှိပါတယ်။

 

ဆေးရောင်တွေပြည့်လွှင့်နေတဲ့ အိမ်ကြီးဟာ တစ်ချိန်ကာ မြန်မာနိုင်ငံရေးနိုင်ငံရေး မျက်နှာစာမှာ ထင်ပေါ်ခဲ့သူတွေ နေထိုင်ခဲ့တဲ့ နေရာတစ်ခုဖြစ်ပါတယ်။ ပိုပြီးစိတ်ဝင်စားဖွယ်ကောင်းစရာက မြန်မာနိုင်ငံနဲ့ ပတ်သက်ပြီး ကမ္ဘာကျော်စာအုပ်တွေရေးခဲ့တဲ့ အရေးပိုင်မောရစ်ကောလိပ် နေထိုင်ခဲ့တဲ့ အိမ်ကြီးဆိုတာကို သိရှိရတာပဲဖြစ်ပါတယ်။ မောရစ်ကောလစ် အိမ်ဆိုတာကိုတော့ မြို့ပေါ်လူတွေသိရှိမှု နည်းပါးကြသလို မောရစ်ကောလိစ်ဆိုတာကိုယ်လည်း မြို့က သမိုင်းစာပေလိုက်စားတဲ့ လူတွေလောက်သာ သိရှိတယ်ဆိုတာကို သိရှိရပါတယ်။ မောရစ်ကောလစ်နေ ထိုင်ခဲ့တဲ့ အိမ်လို့ မိတ်ဆက်ပြောလာတဲ့ သူကတော့ နိုင်ငံတော်ပိုင်သတင်းစားတစ်ခုမှာ သတင်းရေးသားနေတဲ့ အမည်မဖော်လိုသူတစ်ဦးက ပြောဆိုလာတာပါ။ သူဟာ အဲဒီအိမ်ကြီးမှာ လူပျိုဘဝနဲ့နေစဉ်က သိခဲ့ရတာပဲ ဖြစ်တယ်လို့ ဆိုပါတယ်။ အိမ်ကြီးဟာ ထွေအုပ်လက်ထဲကနေတစ်ဆင့် ရေတပ်ကိုလွှဲပြောင်းခဲ့ပြီး အမှတ်(၈) တိုက်ပွဲဝင်စည်းရုံးရေးသင်တန်းကျောင်းက ထိမ်းသိမ်းထားတယ်လို့ ဆိုပါတယ်။ ခုလက်ရှိ အချိန်မှာအမှတ် (၁၇) ရေတပ်အခြေစိုက်စခန်းက ထိမ်းသိမ်းထားပါတယ်။ အိမ်ကြီးနဲ့ပါတ်သက်ပြီး နောက်ထပ်ထင်ရှားမှုတစ်ခုဟာ ကြောက်မက်ဖွယ်ခြောက်လန့်မှုတွေ ရှိတယ်ဆိုတာပဲဖြစ်ပါတယ်။

 

“ ခြောက်လှန့်မှုတွေက ဘယ်လိုလဲဆိုရင် အောက်ထပ်မှာ အိပ်နေရင် တစ်ဦးဦးက အပေါ်ကိုတက်လာပြီး လမ်းလျှောက်လာသလိုပုံစံမျိုးပေါ့၊ အတွင်းထဲက တံခါးတွေလည်း အလိုအလျှောက်ပွင့် သွားတာမျိုးတွေကြုံဖူးတယ်။ ”

 

 

နောက်ထပ် အခြောက်ခံရဖူးတဲ့ သူတွေရှိတယ်ဆိုပေမယ့် အဆိုပါ သရဲခြောက်ခံရတယ်ဆိုတဲ့ သူတွေနဲ့ ကတွေ့ဆုံရန်ကြိုးစားခဲ့ပေမယ့် မရရှိခဲ့ပါ။ အိမ်ကြီးကိုတော့ နိုင်ငံခြားသားဧည်သည့် တချို့က မကြာခဏဆိုသလို လာရောက်လေ့လာကြတယ်လို့ သိရပါတယ်။ အိမ်ကြီးနဲ့ ပတ်သက်ပြီး လူတွေပြောသလို ချောက်ချားဖွယ်ရာ ဖြစ်စဉ်တွေကို ပြောဆိုမှုတွေဟာ ဆယ်စုနစ်သုံးလေးခုမကရှိပြီ ဖြစ်တယ်လို့ ပြောဆိုလာသူက ခေတ်ပေါ်အနုပညာဖန်တီးသူ ကဗျာဆရာတစ်ဦးဖြစ်တဲ့ ကျော်စိုးလူပါ။

 

“အိမ်ကြီးထဲမှာ လူငယ်သဘာဝထမင်းချက်စားပြီး သောက်စားတာတို့ပျော်ပါးတာတို့ဆိုရင် တစ်ခုမဟုတ်တစ်ခု ထိခိုက်မှုပုံစံ မျိုးတော့ ဖြစ်ခဲ့ဖူးကြတယ်” သူတို့လူပျိုအရွယ်ကာလဟာ မြန်မာဆိုရှယ်လစ်လမ်းစဉ်ကောင်စီ အစိုးရလက်ထက်ကပဲ ဖြစ်ပါတယ်။ ကောင်စီက ထိမ်းသိမ်းထားတဲ့ အိမ်ကြိးထဲမှာ သူတို့ ဟာ သူငယ်ချင်းတွေရဲ့ ဆုံရပ်တစ်ခုအဖြစ် သတ်မှတ်ပြီးနေထိုင်ခဲ့ဖူးတယ်လို့ မှတ်မှတ်ရရပြောပြပါတယ်။ အိမ်ကြီးဆီကို သွားရင် အိမ်ရဲ့ခြံစည်းရိုး အနောက်ဘက်ကနေပဲ ဝင်ရတာဖြစ်ပါတယ်။ ဝင်ပေါက်ကို ကျောခိုင်းထားပြီးဖောက်လုပ်ထားတဲ့ မြေသားလမ်းကြောင်း လေးအပေါ် သစ်ပင်တွေက အုပ်ဆိုင်းပြီးမိုးထားပါတယ်။ အိမ်ရဲ့ပုံစံဟာ နစ်ထပ်အိမ်ဖြစ်ပြီး အရှေ့ဘက်ကို မျက်နှာမူပြီးဆာက်လုပ်ထားပါတယ်။ အိမ်ရဲ့ ဘယ်ဘက်မှ အစေခံလိုင်တန်းပါရှိပြီး အခန်းသုံးခန်းနဲ့ဖွဲ့စည်းထားသလို ခုခေတ်လက်ရာတွေဖြစ်တဲ့ ရေချိုးအိမ်သာ ကြွေကမုတ်တွေကို တွေ့ရှိရပါတယ်။ အစေခံတန်းရဲ့ မျက်နာကြက်မှာတော့ ခေတ်ကာလကို တိကျစွာ ခန့်မှန်းဖို့ခက်တဲ့ သံလေပင်ကာ တွဲပြီးကျဆင်းနေပါတယ်။ အိမ်ရဲ့ သက်တမ်းဟာ နှစ်ပေါင်း ၁၀၀ ကျော်နေပြီဖြစ်တယ်လို့ အမည်မဖော်လိုသူ သတင်းစာဆရာက ဆိုပါတယ်။

 

(မောရစ်ကောလစ် နေထိုင်ခဲ့သည့် အိမ်အတွင်းဘက် လှေကား။ ဓါတ်ပုံ - မိုးအောင်/DMG)

“ခေတ်အဆက်ဆက်မှာ ပြုပြင်မှုတွေက ရှိပါတယ်၊ ဒါပေမယ့် တစ်ဆောင်လုံးကို ပြန်ပြီးပြုပြင်တာမျိုးတော့ မဟုတ်ပါဘူး။” အိမ်ကြီးရဲ့အတွင်းဘက် အောက်ထပ်မှာ ကြီးမားတဲ့ အခန်းတစ်ဘက်တစ်ခုစီရှိပြီး အပေါ်ထပ်မှာလည်း အောက်ထပ်လို အခန်းဖွဲ့စည်းထား တာပဲဖြစ်ပါတယ်။ မောရစ်ကောလစ်နေထိုင်ခဲ့တဲ့ အခန်းဟာ အိမ်ကြီးရဲ့ ညာဘက်ခြမ်းက အခန်းပဲ ဖြစ်တယ်လို့ အမည်မဖော်လိုသူ က ဆိုပါတယ်။ သရဲခြောက်တယ်ဆိုပြီး ပြောဆိုနေကြတဲ့ အခန်းဟာလည်း အဲဒီအခန်းပဲ ဖြစ်တယ်လို့ သူကရှင်းပြပါတယ်။ အခြောက်ခံရတဲ့ သူတွေကပြောပြတာကတော့ မိန်းကလေးရဲ့ ငိုသံတွေကိုပဲ ကြားရတယ်လို့ ဆိုကြပါတယ်။ အခန်းထဲမှာ ကြွေဇလုံရေချိုးကန်တစ်ခုရှိခဲ့ဖူးပြီး အဲဒီကြွေဇလုံထဲမှာ မိန်းကလေးသေဆုံးခဲ့တာလို့ ရှင်းပြပါတယ်။ ခုချိန်မှာတော့ ကြွေဇလုံနေရာမှာ အုပ်ရေလှောင်ကန်တစ်ခုပြုလုပ်ထားတာကို တွေ့ရှိရပါတယ်။ အတွင်းဘက် လှေကားထစ်ရဲ့ တစ်ဘက်တစ်ချပ်ဆီမှာတော့ ဆေးသားရောင်အဖြူရောင်တွေကို သုတ်ထားပါတယ်။ ပြတင်းပေါက်တွေမှာ တပ်ဆင်ထားတဲ့ မှန်တစ်ချို့ကတော့ ကွဲနေတာကိုမြင်ရပါတယ်။ အိမ်ရဲ့ရှေ့ဘက်မှာ လေသာဆောင်နဲ့ ဆင်ဝင်ပေါက်ပါရှိပါတယ်။ ထူးခြားချက်တစ်ခု အနေနဲ့တော့ အိမ်ရဲ့ အခန်းတိုင်းက နရံတွေပေါ်မှာ ဘုရားရှိခိုးစာတွေကို ထူးခြားစွာကပ်ထားတာကို တွေ့မြင်ရပါတယ်။ ဆန်းကြယ်မှုအဖြစ် အိမ်ကြီးရဲ့ အရှေ့ဘက်မှာရှိတဲ့ သစ်ပင်ကြီးမှာ ၂၀၁၂ ဝန်းကျင်က အစိုးရ အရာရှိဝန်ထမ်းတစ်ဦး သူကိုယ်သူ ကြိုးတန်းချပြီး သေကြောင်းကြံစည်ခဲ့တယ်လို့ သိရပါတယ်။ အတည်ပြုရန် ခက်ခဲ့တဲ့ နောက်ထပ် ဖြစ်စဉ်တစ်ခုကတော့ အိမ်ကြီးပေါ်မှာ နေထိုင်တဲ့ အရာရှိတစ်ဦးရဲ့ ကတော်တစ်ဦး လေသာဆောင်ပေါ်က ပြုကျပြီး ကိုယ်တစ်ပိုင်းသေဆုံးခဲ့တယ်ဆိုတဲ့ ဖြ စ်ရပ်တစ်ခုပါ။

 

မောရစ်ကောလစ်နဲ့စစ်တွေ

မြောက်ဦးမြို့ရဲ့ နန်းတော်အကြောင်းနဲ့သမိုင်းအဖြစ်ပျက်တွေကို ကမ္ဘာကသိအောင် ရေးသားခဲ့တဲ့အထဲမှာ ပါဝင်တဲ့ မောရစ်ကောလိစ်ဟာ စစ်တွေမြို့တော်ကို သူရဲ့ ကံကောင်းခြင်း တရားတွေ ယူလာတဲ့ မြို့ပဲဖြစ်တယ်လုိ့ မြန်မာပြည်မှာ သူနေထိုင်စဉ်က ရေးသားခဲ့ တဲ့ into hidden burma စာအုပ်မှာ ဖော်ပြထားပါတယ်။ စစ်တွေမြို့ပေါ်က ထင်ရှားတဲ့ သမိုင်းသုတေသီတစ်ဦးဖြစ်တဲ့ အသက် ၇၂ နစ်အရွယ် ဦးမောင်ဗသိန်းက မော်ရစ်ကောလစ်ဟာ ရခိုင်လူမျိုးတွေ အတွက် ကျေးဇူးကြီးမားလှတယ်လို့ သူက ဆိုပါတယ်။

“သူရေးခဲ့တဲ့ the great of image စာအုပ်ကြောင့် ရခိုင်သမိုင်းတွေကို ကမ္ဘာက ကျယ်ပြန့်စွာသိရှိခဲ့တာ၊ ရခိုင်သမိုင်းနဲ့ပါတ်သက်ပြီး အရေးပါတဲ့ စာရေးဆရာတွေထဲမှာလည်း သူလည်းပါပါတယ်” သူစစ်တွေမြို့ကို ရောက်နေတဲ့ အချိန်ဟာ မြန်မာပြည်ကိုရောက်ရှိနေတဲ့ မျက်နာဖြူတွေကြားထဲမှာ သမိုင်းစာပေတွေကို လေ့လာဖော်ထုတ်မှုတွေ ရေပန်းစားနေတဲ့ အချိန်လည်းဖြစ်တယ်လို့ ဦးဗသိန်းက သူသိရှိထားတာတွေကို ရှင်းပြပါတယ်။ မောရစ်ကောလစ်ဟာရခိုင်သမိုင်း၊ ယဉ်ကျေးမှုတွေကို ကမ္ဘာကသိအောင်ဖော်ထုတ်ပေးတဲ့ အထဲမှာ ဒုတိယ မျိုးဆက်လည်းဖြစ်တယ်လို့ ဦးဗသိန်းကဆိုပါတယ်။ မောရစ်ကောလစ်ကို အင်္ဂလိပ်မြန်မာစစ်ပွဲအပြီး ဆယ်စုနစ်ခြောက်ခုအကြာ ၁၈၈၉ ခုနစ်မှာ မွေးဖွားတာပါ။ လာမယ့် ဇွန်နဝါရီလ ၁၂ ရက်ဆိုရင် သူကွယ်လွှန်ခဲ့တာ ၄၄ နှစ်ပြည့်လည်း ဖြစ်ပါတယ်။ သူ့ကို ဒပ်ဘလင်မြို့က ချမ်းသာတဲ့ မိသားစုမျိုးရိုးကဆင်းသက်လာသူ တစ်ဦးဖြစ်တယ်လို့လည်း သိရပါတယ်။ ၁၈၂၄-၁၈၂၆ ခုနစ်မှာ အင်္ဂလိပ်မြန်မာ ပထမ စစ်အပြီးမှာ မြန်မာပြည်ထဲက တနင်္သာရီတိုင်းဒေသကြီးနဲ့ ရခိုင်ပြည်နယ်တို့ကို အိန္ဒယက တိုက်ရိုက်အုပ်ချုပ်ခဲ့ပါတယ်။ အင်္ဂလိပ်မြန်မာစစ်ပွဲအပြီး မှာတော့ စစ်တွေ၊ ကျောက်ဖြူ၊ သံတွဲတို့ကို မြို့တည်ခဲ့ပြီး အစိုးရယန္တရားကို လှည်ပါတ်ခဲ့ပါတယ်။ မောရစ်ကောလစ်ဟာ စစ်တွေမြို့တော်ကို တိုက်ရိုက်ရောက်ရှိလာတာမဟုတ်ဘဲ ကျောက်ဖြူမြို့ကနေ တစ်ဆင့် ပြောင်းရွေ့ရောက်ရှိ လာတာဖြစ်ပါတယ်။ စာအုပ်မှာ ဖော်ပြထားတဲ့ အချက်အလက်တွေအရ မောရစ်ကောလစ်ဟာ စစ်တွေမြို့မှာ ၁၉၂၃ ကနေ ၁၉၂၅ ခုနစ်အထိ အရေးပိုင်ဘဝနဲ့ နေထိုင်ခဲ့တယ်လို့ သိရပါတယ်။ စစ်တွေမြို့ကို မရောက်ခင် ၁၉၂၀ မှာ ကျောက်ဖြူမြို့မှာ ခရိုင်ဝန်အဖြစ်နေထိုင်ခဲ့တယ်လို့ လည်း သူကဆိုပါတယ်။ သူ့အနေနဲ့ ကံကောင်းခြင်းတွေအဖြစ် သူရဲ့သမိးငယ်လေးကို စစ်တွေမြို့မှာပဲ မွေးဖွားခဲ့သလို အိုင်ယာလန်မှာရှိတဲ့ သူ့ဆွေမျိုးထံက အမွေတွေရရှိခဲ့တယ်လို့လည်း into hidden burma စာအုပ်မှာ တွေ့ရှိရပါတယ်။ သူစစ်တွေမြို့မှာ နေထိုင်စဉ်ကာလမှပဲ သူဘဝရဲ့ ပထမဆုံး ကိုယ်ပိုင်မော်တော်ကားကို ဝယ်ယူခဲ့ တယ် လို့ရေးထားပါတယ်။ မှတ်မှတ်ရရအနေနဲ့ ပထမဦးဆုံးကမ္ဘာကို လေယဉ်ပျံနဲ့ပါတ်ခဲ့ကြတဲ့ အဖွဲ့တွေ စစ်တွေမြို့ကို ဝင်ရောက်ခဲ့ကြပြီး အဖွဲ့ဝင်တွေထဲကတစ်ဦး တံတားပေါ်ကနေ မြစ်ထဲကို ပြုတ်ကျခဲ့တယ်လို့ သူကဖော်ပြထားပါတယ်။

 

(ရခိုင်ပြည်နှင့်ပတ်သက်ပြီး မောရစ်ကောလစ်  ရေးသားခဲ့သည့် စာအုပ်။ ဓါတ်ပုံ - အင်တာနက်)

 

ရခိုင်သမိုင်းမှာ ခုချိန်ထိကိုးကားနေခဲ့ရတဲ့ ရတာနာရွှေမြေစာအုပ်ဟာ ရခိုင်အမျိုးသားတစ်ဦးဖြစ်သူ ဦးစံရွှေဘုဆိက ပေါ်တူဂီဘုန်းကြီး၏ ခရီးသွားမှတ်တမ်းစာအုပ် တစ်အုပ်ကို ရရှပြီး ရေးသားခဲ့တာဖြစ်တယ်လို့သူကဆိုထားပါတယ်။

 

သမိုင်းဝင်နေရာတစ်ခုပေါ်ထွန်းလာခြင်း

မောရစ်ကောလစ် နေထိုင်ခဲ့တဲ့ အိမ်ကြီးပေါ်က မြင်ကွင်းတွေဟာ ယနေ့မြင်ကွင်းနဲ့ ခြားနားခဲ့ပြီဆိုတာကိုယ်လည်း စစ်တွေမြို့နဲ့ပါတ်သက်ပြီး ဖော်ပြထားတဲ့ အဆိုပါစာအုပ်မှာပဲ ထပ်မံတွေ့ရှိပါတယ်။

စာအုပ်မှာ ရေးသားဖော်ပြထားတာက “အပြင်ဘက်သောင်ခုံများပေါ်တွင် ပင်လယ်ဆိပ်ခံတံတားများ၊ မြည်းများ၊ ရေချိုးသူများ၊ လမ်းလျှောက်ရန် စင်္ကြန်များစသည့် ပင်လယ်ကို လူသူအရောက်အပေါက် အလည်အပါတ်များလာအောင် ဖန်တီးမည့်တရားဟူ၍ ဘာမျှမရှိသောကြောင့် သာလျှင် ဤကမ်းသောင်ခုံတို့သည် စိတ်အားငယ်စရာကောင်းနေကြ၏။” လို့ ဆိုပါတယ်။ စစ်တွေကမ်းခြေကို လူသူအရောက်ပေါက်နည်းပုံကိုလည်းသူက ကမ်းခြေအရိုင်းလို့ မှတ်ချက်ပြုထားပါတယ်။

ကိုလိုနီခေတ်သမိုင်းတွေနဲ့ပါတ်သက်ပြီး သုတေသနပြုဖူးတဲ့ ဦးမောင်ဗသိန်းက မောရစ်ကောလစ်ရေးသား ထင်ပြထားတာဟာ ဖြစ်နိုင်တယ်လို့ ဆိုပါတယ်။ မော်ရစ်ကောလစ် စစ်တွေကိုရောက်လာတဲ့ အချိန်ဟာ မြို့ပေါ်မှာ ငှက်ဖျားရောဂါနဲ့ လူတွေအသေများတဲ့ ကာလပဲဖြစ်တယ်လို့လည်း သူရဲ့လေ့လာသိရှိချက်ကိုဆိုပါတယ်။

“ဆရာတို့ ငယ်စဉ်တုန်းကဆိုလည်း အဲဒီနေရာမှာ ဘာမှမရှိသေးပါဘူး၊ကမ်းခြေပေါ်မှာ ချူံတွေသက်သက်ပဲ။ ” သမိုင်းသုတေသနနဲ့ ပါတ်သက်ပြီး ပထမဆုံး ဆောင်းပါးဟာလည်း စစ်တွေမြို့မှာပဲ မောရစ်ကောလစ်စတင် ရေးသားခဲ့တာဖြစ်ပါတယ်။ ရခိုင်ဂန္တဝင်လက်ရာတစ်ခုဖြစ်တဲ့ ဥဂ္ဂါပျံရဲ့ ၁၂ ရာသီရတုတွေကိုလည်း အင်္ဂလိပ်ဘာသာပြန်ဆိုခဲ့တာနဲ့ပါတ်သက်ပြီးလည်း ရခိုင်စာပေယဉ်ကျေးမှုတွေကို သူမြတ်နိုးခဲ့တယ်ဆိုတာ ပေါ်လွှင်နေတယ်လို့  ဦးမောင်ဗသိန်းက သုံးသပ်ပါတယ်။ မြန်မာအရေးနဲ့လည်း ပါတ်သက်ပြီး စာအုပ်ပေါင်း ၃၀ ကျော်ကို ရေးသားခဲ့သူတစ်ဦး တည်းဖြစ်ပါတယ်။ ရခိုင်ပြည်နယ်မှာတော့ မောရစ်ကောလစ်နေခဲ့တဲ့ အိမ်တွေထဲမှာ ကျောက်ဖြူမြို့နယ် ကမ်းနားလမ်းအစိုးရရပ်ကွက် မှာတည်ရှိပါတယ်။ အိမ်ကြီးဟာ စစ်တွေမြို့မှာရှိတဲ့ အိမ်ကြီးလိုပဲ နစ်ထပ်အဆောက်အဦးပဲဖြစ်ပါတယ်။ စစ်တွေမြို့မှာရှိတဲ့ မောရစ်ကောလစ်အိမ်ကြီးနဲ့ ပတ်သက်ပြီးသမိုင်းကို ပြောဆိုနိုင်တဲ့ စာရွက်စာတမ်းတွေကို ရယူဖို့ အထွေထွေအုပ်ချုပ်ရေး ဦးစီးဌာရုံးက ဝန်ထမ်းတစ်ဦးထံက ရယူဖို့ကြိုးစားခဲ့ပါတယ်။

 

(မောရစ်ကောလစ်  နေထိုင်ခဲ့သည့်အိမ်အတွင်းဘက်မြင်ကွင်း။ ဓါတ်ပုံ - မိုးအောင်/DMG)

တပ်မတော်ရေတပ်ကို လက်ဆင့် ပြောင်းရွေ့ပြီးကတည်းက မရှိတော့ဘူးလို့ သူကဆိုပါတယ်။ မောရစ်ကောလစ်ရဲ့ အိမ်ကြီးကို စောင့်ရှောက်ခဲ့ဖူးတဲ့ ဝန်ထမ်းအငြိမ်းစားတစ်ဦးကတော့ သူ့အနေနဲ့ မောရစ်ကောလစ်ကို မသိရှိပေမယ့် အရေးပိုင်တွေ ခေတ်အဆက်ဆက်နေထိုင်ခဲ့တယ်ဆိုတာကိုတော့ သူလည်း သိတယ်လို့ ပြောပါတယ်။ မြန်မာနိုင်ငံမှာရှိတဲ့ မောရစ်ကောလစ်နေထိုင်ခဲ့ဖူးတဲ့ အိမ်တွေထဲမှာ စစ်တွေမြို့က အိမ်ကြီးဟာ မေ့လျှော့ခံ အိမ်ကြီးတစ်ဆောင်လည်းဖြစ်ပါတယ်။ ၂၀၁၅ ခု သြဂုတ်လ ၂၆ ရက်နေ့က ပြည်ထောင်စု လွှတ်တော်က ပြဋန်းခဲ့တဲ့ ရှေးဟောင်းအဆောက်အဦးများကာကွယ်ရေး ထိမ်းသိမ်းရေးဥပဒေမှာ နှစ်ပေါင်း ၁၀၀ အထက်မှာရှိတဲ့ အဆောက်အဦးတွေကို ယဉ်ကျေးမှုဝန်ကြီးဌာနက ရှေးဟောင်း အဆောက် အဦးတွေအဖြစ် ရှာဖွေ၊ ဖော်ထုတ် သတ်မှတ်နိုင်တယ်လို့ ဆိုထားပါတယ်။ စစ်တွေမြို့ပေါ်မှာရှိတဲ့ နစ်ပေါင်း ၁၀၀ ကျော်အဆောက်အဦးတွေနဲ့ နစ် ၁၀၀ နီးပါးအဆောက်အဦး တွေကိုတော့ ဘယ်အဆောက်အဦးကိုမှ ရှေးဟောင်းအဆောက်အဦးအဖြစ် မှတ်တမ်းတင၊်ကြေငြာ တာကို မတွေ့ရှိသေးပါ။ အစိုးရခေတ်အဆက်ဆက် ကဗိုလ်တဲ၊ လူနေဆောင် အဖြစ် အသုံးပြုလာတဲ့ မောရစ်ကောလစ်ရဲ့ အိမ်ကြီးနဲ့ပါတ်သက်ပြိး စည်ပင်ဝန်ကြီး ဦးမင်းအောင်ကတော့ ပြည်နယ်အစိုးရ အနေနဲ့ သမိုင်းဝင်အဆောက်အဦးအဖြစ် အသိမှတ်ပြုဖို့ ပြည်သူတွေ၊ အသင်းအဖွဲ့စည်းတွေက တောင်းဆိုမှ ပြုလုပ်ပေးရမှာဖြစ်တယ်လို့ ဆိုပါတယ်။ စည်ပင်အဖွဲ့ရဲ့ ဥပဒေဘောင်ထဲက လုပ်ပေးနိုင်ခွင့်ရှိရင် လုပ်ပေးမှာဖြစ်သလို ရှေးဟောင်း သုတေသနဌာနနဲ့ဆိုင်ရင်လည်း ရှေးဟောင်းက လုပ်ပေးမှာပဲ ဖြစ်တယ်လို့ သူကဆိုပါတယ်။

“ ကျွန်တော်တို့က သွားပြီးသတ်မှတ်လို့မရဘူး ရှေးဟောင်းအဆောက်အဦး၊ သမိုင်းဝင် အဆောက်အဦးဆိုတာကို၊ ပြည်သူတွေက တင်ပြမှ လုပ်ပေးနိုင်မှာ’’ စစ်တွေမြို့ပေါ်မှာလည်း သမိုင်းဝင်ထင်ရှားတဲ့ နေရာတစ်ခု ပေါ်ထွန်းလာမှာ ဖြစ်သလို မောရစ်ကောလစ် ပြခန်းတွေပြုလုပ်ပြီး နိုင်ငံတကာရဲ့စိတ်ဝင်စားခံရတဲ့ နေရာတစ်ခုအဖြစ် တိုးရစ်တွေကိုဆွဲဆောင်နိုင်တယ်လို့လည်း ဦးမင်းအောင်က သုံးသပ်ပါတယ်။

 

(စာရေးဆရာ မောရစ်ကောလစ်။ ဓါတ်ပုံ - အင်တာနက်)

 

(စာရေးဆရာ မောရစ်ကောလစ်၏ အိမ်အပေါ်ဖက်မြင်ကွင်း။ ဓါတ်ပုံ - မိုးအောင်/DMG)