ရခိုင်ပြည်နယ် အစိုးရအဖွဲ့ရုံးခန်းမတွင် အောက်တိုဘာလ ၉ ရက်နေ့ နံနက် ၉ နာရီက ပြည်နယ်ဘဏ္ဍာရေး ဆိုင်ရာ ရှင်းလင်းပွဲ အစည်းအဝေး ပြုလုပ်ခဲ့ကြသည်။ (ဓါတ်ပုံ - မောင်ဇော်ခိုင်၊ ဒီအမ်ဂျီ)

စစ်တွေ၊ အောက်တိုဘာ ၁၀ ရက်၊ ၂၀၁၇ ခုနှစ်၊ DMG ။   ။   မိုးရေချိန်များသော ရခိုင်ဒေသမှာ ဘဏ္ဍာရေးနှစ်မှုဝါဒ ပြောင်းလဲပါက တည်ဆောက်ရေးလုပ်ငန်းများတွင် ခက်ခဲမှုများ ဖြစ်ပေါ်လာမည်ဖြစ်ကြောင်း ရခိုင်ပြည်နယ် စီမံကိန်းနှင့် စီးပွားဝန်ကြီး ဦးကျော်အေးသိန်းက ရခိုင်ပြည်နယ်အစိုးရ ခြောက်လပတ် ဘဏ္ဍာရေးညှိနိုင်းဆွေးနွေးမှု အစည်းအဝေးတွင် ပြောကြားလိုက်သည်။

 

ရခိုင်ပြည်နယ် အစိုးရအဖွဲ့ရုံးခန်းမတွင် အောက်တိုဘာလ ၉ ရက်နေ့ နံနက် ၉ နာရီက ပြည်နယ်ဘဏ္ဍာရေး ဆိုင်ရာ ရှင်းလင်းပွဲ အစည်းအဝေး ပြုလုပ်ခဲ့ကြသည်။

 

အစိုးရ၏ လက်ရှိသွားနေသော ဘဏ္ဍာရေးမှုဝါဒမှာ ဧပြီ၊ မေ၊ သြဂုတ်၊ စက်တင်ဘာလများတွင် တင်ဒါခေါ်ယူပြီး တည်ဆောက်ရေးပိုင်းမှာ အဆင်ပြေနေသည်ဟု ဝန်ကြီး ဦးကျော်အေးသိန်းက ဆိုသည်။

 

" ဒါပေမယ့် အောက်တိုဘာ၊ နိုဝင်ဘာ၊ ဒီဇင်ဘာ၊ ဇန်နဝါရီလစပြီး မတ်လအထိ တင်ဒါခေါ်မယ်ဆိုရင် ကျွန်တော်တို့ ခြောက်လကြာသွားနိုင်တယ်၊ ဒီအတိုင်းဆိုရင်တောင်မှ မတ်လပြီးရင် ဧပြီ၊ မေ ဆိုရင် မိုးရာသီရောက်သွားပြီ။ တည်ဆောက်ရေးအတွက် ကျွန်တော်တို့ တော်တော်လည်း အခက်ခဲရှိသွားပြီ။ နိုင်ငံတော်မူအရ ပြောင်းရင်ပြောင်းသွားလို့ရပါတယ်။ ဒါပေမဲ့ ကျွန်တော်တို့ ကြိုပြီးလုပ်သွားရမှာပါ။ " ဟု ပြောသည်။

 

တင်ဒါခေါ်ဆိုသည့် အချိန်များမှာလည်း ကြာမြင့်ပြီး ပြည်နယ်က တိုက်ရိုက်ခေါ်ယူမှုများကို ပြီးခဲ့သည့်နှစ်က ပြုလုပ်ခဲ့သော်လည်း ယခုနှစ်မှ စတင်၍ ခရိုင်အလိုက်၊ မြို့ နယ်အလိုက် တင်ဒါခေါ်ယူမှုများကြောင့် ညွန်ကြားမှုများ အဆင့်ဆင့်ပြုလုပ်ရာတွင် လိုအပ်ချက်များဖြစ်ပေါ်နေကြောင်း အဆိုပါ အစည်းအဝေးတွင် ဆွေးနွေးမှုများအရ သိရသည်။

 

တင်ဒါလုပ်ငန်းများနှင့် ပတ်သက်ပြီး လုပ်ဆောင်မှုများအပေါ် ရခိုင်ပြည်နယ် လမ်းပန်းဆက်သွယ်ရေးနင့် ဆောက်လုပ်ရေးဝန်ကြီး ဦးအောင်ကျော်ဇံက အစည်းအဝေးထဲတွင် ယခုလိုပြောကြားသည်။

 

" တင်ဒါတွေ ခေါ်တဲ့ခါ မြန်ဆန်ဖို့လိုပါတယ်။ ဘဏ္ဍာရေးကာလ ပြောင်းရင် ဘယ်လိုလုပ်ကြမလဲ။ အခက်အခဲရှိမှာက ပွင့်လင်းရာသီက တင်ဒါရာသီဖြစ်သွားမှာ။ ဒါကြောင့် သက်ဆိုင်ရာ ဘတ်ဂျက်သုံးမယ့် ဌာနက တင်ဒါခေါ်တာက တစ်လ၊ Process က တစ်လ နှစ်လထက် မကြာအောင်လုပ်သင့်ပါတယ် " ဟု ဆိုသည်။

 

လက်ရှိအချိန်တွင် ရခိုင်ပြည်နယ်မှာ အခွန်ဦးစီးဌာန၏ စာရင်းအချက်အလက်များအရ တည်ဆောက်ရေး လုပ်ငန်းဆောင်ရွက်သည့် ကုမ္ပဏီပေါင်း ၇၀၀ ကျော်ရှိကြောင်း သိရသည်။